AQSh sobiq prezidenti Donald Trampning yaqin maslahatchilaridan biri bo‘lgan Stiv Kortes Ukraina prezidenti Vladimir Zelenskiy va uning devoni boshlig‘i Andrey Yermakni korrupsiyaga aloqadorlikda aybladi. Bu haqda Zamin.uz xabar berdi.
Bu haqda Kortes o‘zining ijtimoiy tarmoqdagi chiqishida ma’lum qilgan. Kortesning so‘zlariga ko‘ra, Ukraina siyosiy rahbariyati Amerika uchun ishonchli hamkor sifatida qabul qilinmaydi.
Unga ko‘ra, hatto G‘arb ommaviy axborot vositalari ham mamlakatda yuzaga kelayotgan navbatdagi korrupsiya mojarolarini yashira olmayapti. Sobiq maslahatchi Ukraina hukumatini AQSh manfaatlari nuqtayi nazaridan xavfli va ishonchsiz deb baholab, Vashingtonning Kiyevga nisbatan siyosatini qayta ko‘rib chiqish zaruriyatini ta’kidlagan.
Uning fikricha, AQSh tashqi siyosati Ukraina bilan munosabatlarda ehtiyotkorlikni talab qiladi.
