Bugun
Bugungi reyslar jadvali — 13 noyabr
+10°
переменная облачность ветер 2 м/с, СЗ
ENRU

Asteroid Oyga urilishi ehtimoli 4,3 foizni tashkil etadi

Dunyo
38
Asteroid Oyga urilishi ehtimoli 4,3 foizni tashkil etadi
2032-yilda 2024 YR4 nomli asteroidning Oy bilan to‘qnashishi ehtimoli borligi haqida xabar berildi. Bu haqda Zamin.uz xabar berdi.

IFL Science ma’lumotlariga ko‘ra, bu kosmik jism ilk bor 2024-yil dekabr oyida Chilidagi ATLAS teleskopi yordamida aniqlangan. Dastlab asteroid Yer uchun xavf tug‘dirishi mumkinligi taxmin qilingan edi, biroq keyingi kuzatuvlar bu xavfni inkor etdi.

Endi olimlar asteroidning Oyga bo‘lgan ehtimolini o‘rganishmoqda. Tadqiqotlar asteroidning Oy bilan to‘qnashish ehtimoli 4,3 foizni tashkil etishini ko‘rsatmoqda.

Bu xulosaga G‘arbiy Ontario universiteti professori Pol Viyergt boshchiligidagi tadqiqotchilar guruhi kelgan. Agar to‘qnashuv ro‘y bersa, Oyda diametri bir kilometrga teng krater hosil bo‘lishi mumkin.

Jarayon natijasida chiqadigan energiya 6,5 megatonna trotil ekvivalentiga teng bo‘lishi kutilmoqda. Mutaxassislar bu hodisani so‘nggi besh ming yillikdagi eng katta Oy zarbasi deb baholashmoqda.

Mazkur kosmik hodisa faqatgina vizual tomosha bo‘lib qolmasligi mumkin. Zarbadan sochilgan Oy moddalari Yerdan ko‘rinadigan kuchli meteor yog‘dusi yuzaga kelishiga olib kelishi ehtimol qilinadi.

Shuningdek, ayrim sun’iy yo‘ldoshlarning orbital harakatiga zarar yetishi xavfi ham mavjud. Jon Xopkins universiteti astrofizigi Endryu Rivkinning fikricha, bu borada hali to‘liq xulosa qilishga erta.

Hodisaning ta’siri asteroidning qaysi nuqtaga tushishiga bog‘liq bo‘ladi. Shunga qaramay, NASA zarurat tug‘ilganda Oy va sun’iy yo‘ldoshlarni himoya qilish uchun asteroid yo‘nalishini yadroviy texnologiyalar yordamida o‘zgartirish ssenariylarini ko‘rib chiqmoqda.

Asteroidni yanada aniq kuzatish uchun 2026-yildan boshlab Jeyms Uebb teleskopidan foydalanish rejalashtirilgan. Bu kuzatuvlar asteroidning o‘lchamlari va harakat yo‘nalishini aniqroq baholashga imkon beradi.

Professor Viyergtning ta’kidlashicha, 2027-yil boshlaridagi kuzatuvlar hal qiluvchi ahamiyatga ega bo‘ladi. Agar tahdid tasdiqlansa, ehtiyot choralarini ko‘rish uchun vaqt cheklangan bo‘lishi mumkin.

O‘xshash yangiliklar

Eronda Jungon shahri hokimi qurolli hujum oqibatida vafot etdi
Eronda Jungon shahri hokimi qurolli hujum oqibatida vafot etdi
Eronning Chexormahol va Baxtiyoriy viloyatida joylashgan Jungon shahri hokimi Ismoil Islomiy Bobohaydariy qurolli hujum oqibatida vafot etdi. Mazkur mudhish voqea
Dunyo01:14, 29-10-2026
Ispaniyada poyezdlar to'qnashuvi sababli uch kunlik motam e'lon qilindi
Ispaniyada poyezdlar to'qnashuvi sababli uch kunlik motam e'lon qilindi
Ispaniya hukumati mamlakatda sodir bo‘lgan mudhish temiryo‘l halokati oqibatida ko‘plab insonlar qurbon bo‘lgani munosabati bilan uch kunlik rasmiy motam e’lon qildi.
Dunyo00:40, 29-10-2026
«Barselona» yulduzi Lamin Yamalning otasi aeroportda janjal chiqardi
«Barselona» yulduzi Lamin Yamalning otasi aeroportda janjal chiqardi
Ispaniyaning "Barselona" klubi va jahon futbolining eng yorqin yosh yulduzlaridan biri Lamin Yamalning otasi Munir Nasraui yana bir shov-shuvli mojaro markazida qoldi.
Dunyo00:20, 29-10-2026
Qirg‘izistonda viloyat va tumanlar tugatilib yangi aymoqlar tuziladi
Qirg‘izistonda viloyat va tumanlar tugatilib yangi aymoqlar tuziladi
Qirg‘iziston hukumati mamlakatning ma’muriy-hududiy tuzilishini tubdan isloh qilishni rejalashtirmoqda. Ushbu o‘zgarishlarga ko‘ra, amaldagi yetti viloyat va qirqta
Dunyo23:51, 28-10-2026
AQSHda o'likxonaga yuborilgan go'dak besh soatdan keyin tirildi
AQSHda o'likxonaga yuborilgan go'dak besh soatdan keyin tirildi
Amerika Qo'shma Shtatlarida bir yarim yoshli go'dak shifokorlar tomonidan vafot etgan deb e'lon qilinganidan besh soat o'tgach, o'likxonada tirik ekani ma'lum bo'ldi.
Dunyo18:47, 28-10-2026
Putin va Chapo Kremlida ko'p qirrali sheriklikni kuchaytirdi
Putin va Chapo Kremlida ko'p qirrali sheriklikni kuchaytirdi
2026 yil 27 oktyabr kuni Rossiya Federatsiyasi prezidenti Vladimir Putin va Mozambik Respublikasi prezidenti Daniel Fransishku Chapo Moskvadagi Kreml saroyida rasmiy muzokaralar o‘tkazdi. Bu haqda
Dunyo18:12, 28-10-2026