Donald Tramp BBC’dan 5 milliard dollar talab qilmoqda
AQShning sobiq prezidenti Donald Tramp BBC teleradiokompaniyasidan besh milliard dollar miqdorida tovon undirish maqsadida sudga murojaat qilishni rejalashtirayotganini e’lon qildi. Bu haqda Zamin.uz xabar berdi.
Trampning ta’kidlashicha, BBC uning nutqini tahrirlangan holda efirga uzatib, jamoatchilikni chalg‘itishga sabab bo‘lgan. U o‘z chiqishida: "BBC mening so‘zlarimni o‘zgartirganini o‘zlari tan olishdi.
Shu sababli, ularni sudga berishim kerak", — deb aytgan. Mazkur mojaro 2024-yil oktyabr oyida, AQSh prezidentlik saylovlariga atigi bir hafta qolganda yuzaga kelgan.
BBC’ning Panorama dasturida 2021-yil 6-yanvar kuni Kapitoliyga bostirib kirish voqeasiga bag‘ishlangan maxsus ko‘rsatuv efirga uzatilgan. Ushbu dasturda Trampning ikki xil chiqishidan parchalar birlashtirilgan bo‘lib, tomoshabinlarda go‘yo u tartibsizlik va zo‘ravonlikka chaqirgandek taassurot uyg‘otgan.
Ushbu tahrir sabab BBC rahbariyati tanqidga uchradi. Natijada kompaniya bosh direktori Tim Deyvi va yangiliklar bo‘limi rahbari Debora Terness iste’fo berdi.
BBC Trampning nutqini montaj qilgani uchun uzr so‘radi, ammo moliyaviy kompensatsiya to‘lashni rad etdi. Trampning so‘zlariga ko‘ra, u BBC’ni javobgarlikka tortish niyatidan voz kechmaydi va da’voni kelasi hafta sudga topshirishni rejalashtirmoqda.
