Shveytsariyalik g‘avvos muz ostida yangi rekord o‘rnatdi
Shveytsariyalik g‘avvos Valdemar Bruderer Ginnesning rekordlar kitobiga kirishga muvaffaq bo‘ldi. Bu haqda Zamin.uz xabar berdi.
U muz ostida nafasni ushlab turish orqali eng chuqur sho‘ng‘ish bo‘yicha rekord o‘rnatdi. Bruderer 27-fevral kuni Shveysariyaning Graubyunden kantonida joylashgan Zils ko‘liga sho‘ng‘ib, 56 metr chuqurlikka yetdi.
Ushbu jarayon davomida u nafaqat qayiqsiz, balki gidrokostyumsiz ham harakat qildi. Qish faslida Zils ko‘lidagi suvning harorati odatda -11 darajadan +1 darajagacha bo‘ladi.
Bu sharoitda sho‘ng‘ish inson tanasi uchun katta chidamlilik va mahorat talab qiladi. Bruderer ushbu yutug‘ini nafaqat shaxsiy maqsad, balki tabiatni asrashga qaratilgan chaqiriq sifatida baholadi.
Uning so‘zlariga ko‘ra, rekord o‘rnatish orqali u iqlim o‘zgarishi va muzliklarning erishi kabi global muammolarga e’tibor qaratishni maqsad qilgan. "Shveysariyada yashab, iqlim o‘zgarishi natijasida muzliklarning qanday erib borayotganiga guvoh bo‘ldim.
Bu bizning tabiiy landshaftimizga jiddiy ta’sir ko‘rsatmoqda," – dedi Bruderer. Shuningdek, u tabiat bilan uyg‘unlikda harakat qilish va uning go‘zalligini sof holda his qilish ilhomlantiruvchi omil ekanligini ta’kidladi.
Jihozlarni minimal darajada ishlatish orqali u o‘zini tabiat kuchlariga yanada yaqinroq his etganini va suv osti dunyosining ulug‘vorligini chinakamiga qadrlaganini aytib o‘tdi.
