Ovozli yordamchi erning xiyonatini fosh qildi
29 yoshli Moskva shahrida yashovchi ayol erining xiyonatini tasodifan aniqladi. Bu haqda Zamin.uz xabar berdi.
Bu voqea erining ovozli yordamchi orqali bergan buyrug‘i tufayli yuzaga chiqqan. Unga ko‘ra, erkak xizmat safariga ketayotganini aytib, aslida Torjok shahrida yashovchi ma’shuqasining oldiga borgan.
Hodisalar shunday rivojlangan: erkak o‘z telefonida ovozli yordamchiga "seks uchun musiqa qo‘y" deb buyruq bergan. Ushbu buyruq uyning boshqa xonasidagi aqlli kolonka orqali ham takrorlanib, musiqa baland ovozda yangray boshlagan.
Bu vaqtda uyda qolgan ayol uyg‘onib, vaziyatni anglab yetgan. Er uyga qaytgach, ayol uni yolg‘onchilik va xiyonatda ayblagan.
Erkak bo‘lib o‘tgan voqeani tan olgan. Shundan so‘ng, ayol ajrashish uchun sudga murojaat qilgan.
Bu voqea ijtimoiy tarmoqlarda keng muhokama qilinmoqda.
