Xitoy tashqi ishlar vaziri Van I 19-22-noyabr kunlari O‘zbekiston, Qozog‘iston va Qirg‘izistonga rasmiy tashrif amalga oshiradi. Bu haqda Zamin.uz xabar berdi.
Bu haqda Xitoyning CGTN telekanali xabar berdi. Ma’lum qilinishicha, Van I mazkur mamlakatlarning tashqi ishlar vazirlarining taklifiga binoan Markaziy Osiyoga tashrif buyurmoqda.
Tashrif davomida tomonlar o‘zaro hamkorlikni yanada rivojlantirish masalalarini muhokama qilishadi. Shu bilan birga, mintaqaviy va xalqaro ahamiyatga ega masalalar bo‘yicha fikr almashuvlar o‘tkazilishi rejalashtirilgan.
Xitoy tashqi ishlar vazirligi bayonotiga ko‘ra, mazkur tashrif Markaziy Osiyo-Xitoy ikkinchi sammitida qabul qilingan qarorlarni bajarish va Xitoy rahbari Si Szinpin hamda uch davlat prezidentlari o‘rtasida erishilgan kelishuvlarni amaliyotga tatbiq etish imkonini beradi. Shuningdek, Shavkat Mirziyoyev rahbarligida O‘zbekiston va Xitoy o‘rtasidagi strategik hamkorlik yangi bosqichga ko‘tarilgani alohida ta’kidlanmoqda.
Ta’kidlash joizki, Xitoy 2023-yilning dastlabki to‘qqiz oyida O‘zbekistonning eng yirik savdo sherigiga aylangan. Ikki davlat o‘rtasidagi savdo aylanmasi 11,4 milliard AQSh dollaridan oshgan.
O‘tgan yilning shu davrida bu ko‘rsatkich 9 milliard dollarni tashkil etgan edi.
