Ronaldu Vashingtonda Tramp bilan uchrashadi
Portugaliyalik mashhur futbolchi Krishtianu Ronaldu yaqin soatlarda AQSh poytaxti Vashingtonga tashrif buyuradi. Bu haqda Zamin.uz xabar berdi.
Saudiyaning "An Nasr" klubi futbolchisi bo‘lgan Ronaldu bugun, 18-noyabr kuni AQSh prezidenti Donald Tramp bilan uchrashishi kutilmoqda. Bu haqda "Mundo Deportivo" xabar bermoqda.
Uchrashuvning mazmuni hozircha sir tutilmoqda. Rasmiylar tomonidan bu borada biror ma’lumot berilmagani sababli futbol olamida turli taxminlar paydo bo‘lgan.
Ayrimlar uchrashuv sport tadbirlari haqida bo‘lishini taxmin qilsa, boshqalar 2026-yilgi Jahon chempionatiga oid masalalar muhokama qilinishi mumkinligini aytmoqda. Har qanday holatda ham, Ronalduning "Oq uy"da qabul qilinishi katta e’tiborni tortishi tabiiy.
Shuningdek, ma’lum bo‘lishicha, 40 yoshli Ronaldu yaqinda Portugaliya terma jamoasining Jahon chempionatiga saralash bosqichidagi so‘nggi o‘yinida maydonga tushmagan. Shunga qaramay, Portugaliya terma jamoasi Armaniston ustidan 9:1 hisobida g‘alaba qozonib, to‘g‘ridan-to‘g‘ri Jahon chempionatiga yo‘llanma olgan.
Futbol muxlislari esa Ronalduning qayerga bormasin, o‘sha yerda qiziqarli voqealar yuz berishini ta’kidlashmoqda. Shu sababli uning "Oq uy"dagi uchrashuvi ham katta qiziqish uyg‘otmoqda.
Bu tashrifdan yangi xabarlar va kutilmagan yangiliklar kutilyapti.
