Ukraina Oliy Radasi ikki nafar vazirni lavozimidan ozod qildi. Bu haqda Zamin.uz xabar berdi.
Mamlakat adliya vaziri German Galushenko va energetika vaziri Svetlana Grinchuk korrupsiya bilan bog‘liq mojaro tufayli iste'foga chiqarildi. Bu haqda parlamentda o‘tkazilgan ovoz berish jarayonida ma’lum qilindi.
Galushenkoning iste’fosi uchun 323 nafar, Grinchukning iste’fosi uchun esa 315 nafar deputat ovoz berdi. Ushbu qarorlar parlament a’zolari tomonidan ko‘pchilik ovozi bilan qabul qilindi.
Avvalroq, “Energoatom” davlat kompaniyasi va ukrainalik biznesmen Timur Mindich atrofida yuzaga kelgan korrupsiya ayblovlari sababli mazkur ikki vazir o‘z xizmatidan vaqtincha chetlashtirilgan edi. Oliy Rada a’zolari bu holatga keskin munosabat bildirgan va masalani tezkorlik bilan ko‘rib chiqishni talab qilgan edi.
Aslida vazirlarning iste’fosi bo‘yicha ovoz berish 18-noyabr kuni o‘tkazilishi rejalashtirilgan edi. Ammo ayrim deputatlar hukumatning barcha a’zolari iste’fosini talab qilib, parlament minbarini bloklagani sababli majlis vaqtincha to‘xtatilgan.
Hozircha bu lavozimlarga kim tayinlanishi noma’lum. Kuzatuvchilar ushbu voqealarni Ukraina hukumatidagi tarkibiy o‘zgarishlarning bir qismi sifatida baholamoqda.
