Turkiya maktab dasturiga “Turkiston” atamasi kiritildi
2025-yil 20-noyabr kuni Turkiya Milliy ta’lim vazirligi maktab o‘quv dasturiga “Turkiston” tushunchasini kiritib, uni “Markaziy Osiyo” atamasi o‘rnida ishlatishni boshladi. Bu haqda Zamin.uz xabar berdi.
Ushbu yangilik haqida Turkish Minute nashri xabar berdi. Milliy ta’lim vaziri Yusuf Tekinning so‘zlariga ko‘ra, bu o‘zgarish turkiy xalqlar o‘rtasidagi birlikni mustahkamlash maqsadida amalga oshirilgan.
U ta’kidlashicha, Turkiya ta’lim tizimida imperiyaviy mazmun kasb etgan geografik atamalarni chiqarib tashlash ishlari olib borilmoqda. Turkish Minute ma’lumotiga ko‘ra, “Turkiston” atamasi tarixda Rossiya, Xitoy va bugungi Markaziy Osiyo davlatlari chegaralari shakllanishidan oldin turkiyzabon xalqlar yashagan hududlarni anglatgan.
Bu hududlar tarixan turkiy madaniyat va merosning muhim qismi hisoblangan.
