Megan Markl: "Farzandlarim bilan birga o‘rganaman"

Megan Markl shahzoda Garridan tug‘ilgan qizi haqida Harper’s Bazaar jurnaliga bergan intervyusida qiziqarli fikrlar bilan o‘rtoqlashdi. Bu haqda Zamin.uz xabar berdi.

Unga ko‘ra, qizalog‘i ish uchrashuvlari davomida onasining tizzasiga o‘tirib, faoliyat jarayonlarida ishtirok etadi. Masalan, brendning budjeti muhokama qilinayotgan yoki kreativ loyihalar rejalashtirilayotgan paytlarda ham shunday holatlar kuzatiladi.

Megan o‘z ofisining oshxona yonida joylashgani tufayli uydan ishlash imkoniyatiga ega ekanligini katta ne’mat deb biladi. Bu unga farzandlariga yaqin bo‘lish va ularni tarbiyalashda faol ishtirok etish imkonini beradi.

Aktrisa biznesda farzandlari uchun yaxshi namuna bo‘lishga intiladi. Uningcha, bolalari — Lilibet va Archi — hayotni tez o‘rganish yoshidadir va ular uchun jasorat muhim qadriyat bo‘lishi kerak.

Megan o‘zini ideal ona deb hisoblamaydi, ammo bolalarini xatolarni qabul qilishga va jasoratli bo‘lishga o‘rgatadi. U o‘z farzandlarining jasurlikning asl qadrini anglashlarini xohlaydi.

Shuningdek, shahzoda Garrining bolalarcha samimiyligi va o‘yinqaroqligi tarbiya jarayonida katta ahamiyat kasb etishini ta’kidlaydi. Megan mukammallikka intilishning shart emasligini qayd etadi.

U inson hayotidagi asosiy maqsad nafaqat muvaffaqiyat, balki baxt ham bo‘lishi kerakligini aytadi. «Hech narsa ideal emas.

Men ham farzandlarim bilan birga o‘rganaman, rivojlanaman va xatolar qilaman», — deydi u.