Meksikalik Fatima "Miss Koinot 2025" g‘olibi bo‘ldi
2025-yilda Tailandda bo‘lib o‘tgan "Miss Koinot" tanlovida g‘oliblikni Meksika vakilasi Fatima Bosh qo‘lga kiritdi. Bu haqda Zamin.uz xabar berdi.
Bu haqda CNN xabar bermoqda. Ushbu tanlov joriy mavsumning eng muhokamali voqealaridan biriga aylandi.
Final oldidan tanlov direktori Navat Itsaragrizil meksikalik ishtirokchiga nisbatan nomaqbul munosabatda bo‘lib, uni omma oldida haqorat qilgan. U Fatimaga baqirib, tadbirni tark etishni talab qilgan va uni "nodon" deb atagan.
Fatima bunga javoban o‘ziga nisbatan bunday munosabatni qabul qila olmasligini bildirib, zalni tark etdi. Ushbu voqea keng jamoatchilik orasida katta e’tirozga sabab bo‘ldi.
Tanlovdagi boshqa ishtirokchilar Fatimaga birdamlik ko‘rsatish maqsadida tanlovni tark etishdi. Keyinchalik Navat Itsaragrizil Fatimadan omma oldida uzr so‘rashga majbur bo‘ldi.
Shuningdek, mojaroga 1996-yilgi "Miss Koinot" g‘olibasi Alisiya Machado tomonidan bildirilgan irqchilikka oid tanqidiy fikrlar ham qo‘shildi. U Navatni jamoatchilik oldida kamsitganlikda aybladi.
Tanlov natijalari e’lon qilinishidan bir necha kun oldin ikki hakam o‘z lavozimini tark etdi. Ulardan biri tanlov tashkilotchilarini natijalarni soxtalashtirishda aybladi.
Shu tufayli tanlov natijalari va tashkilotchilar faoliyati atrofida jiddiy savollar paydo bo‘ldi. Meksikalik ishtirokchining g‘alabasi esa ko‘plab muhokamalarga sabab bo‘ldi.
