Belarus 31 ukrainalikni ozod qilib, Ukrainaga topshirdi
Belarus Prezidenti Aleksandr Lukashenko 31 nafar ukrainalik fuqaroni ozod qilish to‘g‘risida qaror qabul qildi. Bu haqda Zamin.uz xabar berdi.
Rasmiy ma’lumotlarga ko‘ra, ushbu shaxslar Ukraina tomoniga topshirilmoqda. Bu haqda Belarus Prezidenti matbuot kotibi Natalya Eysmont ma’lum qildi.
Eysmontning so‘zlariga ko‘ra, ushbu qaror Ukraina hukumati tomonidan bildirilgan iltimosga asosan qabul qilingan. Unga ko‘ra, mazkur qadam Kiyevda davom etayotgan qurolli mojaroni tinch yo‘l bilan hal qilishga ko‘maklashish maqsadida amalga oshirilgan.
"Prezident doimiy ravishda barcha muammolarni faqat tinchlik yo‘li bilan hal qilish tarafdori", — deya ta’kidladi Eysmont o‘z bayonotida. Mazkur qaror mintaqadagi vaziyatni barqarorlashtirish va mojarolarni yumshatishga xizmat qilishi kutilmoqda.
Belarus hukumati bu yo‘nalishda o‘zining tinchlikparvar pozitsiyasini namoyon etmoqda.
