Serjio Gor AQSh-O‘zbekiston biznes kengashi raisi bo‘ldi
Janubiy va Markaziy Osiyo bo‘yicha AQSh maxsus vakili, asli Toshkent shahrida tug‘ilgan Serjio Gor Amerika-O‘zbekiston biznes va investitsiya kengashi raisi etib tayinlandi. Bu haqda Zamin.uz xabar berdi.
Bu haqda AQSh Davlat departamenti ma’lum qildi. Serjio Gor ushbu lavozimda O‘zbekiston Prezidenti Administratsiyasi rahbari Saida Mirziyoyeva bilan hamkorlikda ishlaydi.
AQSh tomonidan ta’kidlanishicha, ushbu kengash ikki davlat o‘rtasidagi aloqalarni yanada mustahkamlaydi. Shuningdek, bu ishbilarmonlar uchun qulay hamkorlik muhitini yaratib, investitsiyalarni ko‘paytirish va yuqori texnologiyali sohalarda hamkorlikni rivojlantirishga xizmat qiladi.
Mazkur tashabbus O‘zbekiston Prezidenti Shavkat Mirziyoyevning yaqinda Vashington shahrida o‘tgan C5+1 sammitida olib borgan muzokaralarining mantiqiy davomidir. Kengash Prezident Mirziyoyevning qarori bilan tashkil etilgan bo‘lib, uning tarkibi va faoliyatini muvofiqlashtirish Saida Mirziyoyeva zimmasiga yuklangan.
Bu kengash ikki mamlakat o‘rtasidagi strategik sheriklikni mustahkamlashga qaratilgan muhim qadam hisoblanadi.
