Shinhan Bank o‘zbek tilida xizmat ko‘rsatishni boshladi
Janubiy Koreyaning yirik moliyaviy tashkiloti hisoblangan Shinhan Bank endilikda o‘z mijozlariga o‘zbek tilida moliyaviy maslahat xizmatlarini taqdim etishni yo‘lga qo‘ydi. Bu haqda Zamin.uz xabar berdi.
Bu haqda The Korea Herald xabar berdi. Umuman olganda, mazkur bank xorijlik mijozlar uchun 12 tilda xizmat ko‘rsatadi, jumladan, rus tilida ham.
Ayniqsa, o‘zbek tilidagi xizmatlarga talabning oshishi Janubiy Koreyaga ish izlab borayotgan o‘zbekistonliklar sonining ortishi bilan bog‘liq. Shinhan Bankning xorijlik mijozlar bilan ishlash markazi koreys tilini bilmaydigan shaxslar uchun xalqaro pul o‘tkazmalari, hisob raqamlarini ochish, mobil bank xizmatlari hamda og‘zaki tarjima xizmatlarini taklif etadi.
Bank vakili bu borada shunday deydi: "Biz xorijlik mijozlar uchun moliyaviy xizmatlarga oid qiyinchiliklarni bartaraf etishda davom etamiz." Shinhan Bank Janubiy Koreyaning eng yirik moliyaviy konglomeratlaridan biri bo‘lib, uning bosh qarorgohi Seulda joylashgan. Mazkur bankning tarixi 1897-yilda tashkil etilgan va mamlakatdagi birinchi bank sifatida faoliyat boshlagan Hanseong Bank nomi bilan bog‘liq.
