Turkiyada layk sabab ajrashuvda er aybdor topildi
Turkiyada Oliy sud ijtimoiy tarmoqlarda boshqa ayollarning suratlariga layk bosgan erkakni ajrashish jarayonida aybdor deb topdi. Bu haqda Zamin.uz xabar berdi.
Bu haqda mahalliy nashrlar xabar berdi. Sud muhokamasida er-xotin H.B.
va S.B. o‘zaro ajrashish bo‘yicha qarama-qarshi da’vo arizalari bilan murojaat qilgan.
Ayolning so‘zlariga ko‘ra, eri uni haqorat qilgan, moliyaviy ehtiyojlari uchun pul bermagan va boshqa ayollarning suratlariga layk bosgan. Erkak esa rafiqasini rashkda ayblab, uning postlariga tanqidiy izohlar yozgan.
Kayseri oilaviy sudi ajrashish qarorini tasdiqladi. Sud erni asosiy aybdor deb topib, ayolning qisman aybini ham tan oldi.
Sud qarori bilan er-xotinga vaqtinchalik aliment (500 lira), kambag‘allik nafaqasi (750 lira) va 40 000 lira miqdorida moddiy va ma’naviy zarar uchun tovon puli belgilandi. Biroq erkak ushbu qaror ustidan shikoyat berdi.
Apellyatsiya sudi ajralishning asosiy aybdori sifatida erkakni qoldirdi va kambag‘allik nafaqasini oyiga 1000 liraga oshirdi. Shuningdek, sud erning boshqa ayollarning suratlariga layk bosishi "ishonchni yo‘qotuvchi xatti-harakat" sifatida baholandi.
Moddiy va ma’naviy tovon miqdori esa 30 000 liraga o‘zgartirildi. Mazkur sud qarori pretsedent sifatida qabul qilindi va kelgusida shunga o‘xshash ishlar uchun asos bo‘lishi mumkinligi ta’kidlandi.
