Efiopiyada ming yillik vulqon to‘satdan otilib ketdi
Efiopiyada ming yildan beri faol bo‘lmagan vulqon to‘satdan otilgani haqida Volcano Discovery xabar berdi. Bu haqda Zamin.uz xabar berdi.
Xayli-Gubbi nomli ushbu vulqonning otilishi natijasida kul ustuni 13,7 kilometr balandlikka ko‘tarilgan. Mutaxassislarning ma’lumotiga ko‘ra, sun’iy yo‘ldoshlar atmosferaga oltingugurt dioksidi chiqarilganini qayd etgan.
Ushbu hodisa mintaqa ekologiyasiga sezilarli darajada ta’sir ko‘rsatishi mumkin. Olimlar vulqon ming yillar davomida uxlab yotganini ta’kidlashmoqda.
Hozirgi vaqtda vulqon otilishining oqibatlari va uning global iqlimga ta’siri bo‘yicha batafsil tadqiqotlar olib borilmoqda. Ushbu hodisa Efiopiya va unga yaqin hududlar uchun muhim ekologik masalalarni keltirib chiqarmoqda.
