Sobiq sudya Trishkin taksi haydovchisiga o‘q uzdi
Harbiy sudning sobiq sudyasi Albert Trishkin taksi haydovchisiga travmatik to‘pponchadan o‘q uzganidan so‘ng politsiya xodimiga qo‘pollik qilgani va uni haqorat qilgani haqida ma’lum qilindi. Bu haqda Zamin.uz xabar berdi.
Bu voqea Vidnoy shahrida bo‘lib o‘tgan sud majlisida politsiya xodimi tomonidan bayon qilindi. Ushbu holat haqida "RIA Novosti" axborot agentligi xabar berdi.
Sudda guvoh sifatida ishtirok etgan politsiya xodimi otishma yuzasidan tekshiruv o‘tkazganini va Trishkinning telefon raqamini aniqlab, unga qo‘ng‘iroq qilganini ma’lum qildi. Politsiyachining so‘zlariga ko‘ra, Trishkin qo‘ng‘iroq davomida qo‘pol muomala qilgan, haqorat qilgan va hech qanday tushuntirish bermay, politsiyachini o‘zining manziliga kelishni talab qilgan.
Ushbu manzil Bosh prokuratura binosi ekanligi keyinroq ma’lum bo‘lgan. Shuningdek, politsiyachi voqea ishtirokchilaridan biri sudya ekanligini aniqlagach, o‘sha paytda Trishkin hali iste’foga chiqmagani sababli, ish materiallarini prokuraturaga topshirganini ta’kidladi.
Bu voqea hozirda sudda ko‘rib chiqilmoqda.
