Tailandda tobut ichida tirilgan ayol hayratga soldi

Tailandning Nonthaburi provinsiyasida g‘ayrioddiy hodisa sodir bo‘ldi. Bu haqda Zamin.uz xabar berdi.

Kremaatsiyaga tayyorlangan 65 yoshli ayol tobut ichida tirilib, barchani hayratga soldi. “Al Jazeera” xabariga ko‘ra, ayolga avval noto‘g‘ri ravishda o‘lim tashxisi qo‘yilgani keyinchalik aniqlangan.

Hodisa ibodatxona xodimlari tobut ichidan kelayotgan zaif taqillash ovozini eshitishlari bilan boshlanadi. Rasmiylardan biri tobutni ochishni so‘raganida, hayratlanarli manzara yuzaga keladi: ayolning ko‘zlari ochilgandek bo‘lib, o‘zi tobutni taqillatgan.

Bu holat barchani shokka solgan. Ayolning akasining so‘zlariga ko‘ra, u ikki yil davomida og‘ir ahvolda to‘shakka mixlangan va so‘nggi ikki kun davomida nafas olmayotgandek ko‘ringan.

Shundan so‘ng, uni tobutga joylab, donorlik maqsadida Bangkok shifoxonasiga olib borishgan. Biroq o‘lim haqidagi rasmiy guvohnoma yo‘qligi sababli donorlik amalga oshirilmagan.

Shundan keyin ayol ibodatxonaga olib kelingan, biroq bu yerda ham hujjatlar yo‘qligi bois krematsiya kechiktirilgan. Ibodatxona xodimi marhumning qarindoshlariga o‘lim guvohnomasini olish tartibini tushuntirayotgan paytda, yana tobut ichidan taqillash ovozi eshitilgan.

Bu esa vaziyatni keskin o‘zgartirgan. Ayol zudlik bilan shifoxonaga yetkazilgan.

Shifokorlar unga og‘ir gipoglikemiya tashxisini qo‘yishgan. Ma’lum bo‘lishicha, ayolning yurak urishi va nafas olishi to‘xtamagan, faqat tashqi ko‘rinish o‘limni eslatgan.

Ibodatxona ayolning barcha tibbiy xarajatlarini o‘z zimmasiga olgan.