Namanganda yo‘l-transport hodisasi oqibatida YPX xodimi Doniyor Nurillayev halok bo‘ldi. Bu haqda Zamin.uz xabar berdi.
Bu haqda Ichki ishlar vazirligi matbuot xizmati xabar berdi. Fojia 25-noyabr kuni soat 20:00 atrofida yuz bergan.
Xodim tartibga solinmagan piyodalar o‘tish joyidan o‘tayotgan vaqtda, uni avtomobil urib yuborgan. Aniqlanishicha, Doniyor Nurillayev Ichki ishlar vazirligining Yangi Namangan tumanidagi gospitaliga yo‘l olayotgan bo‘lgan.
Uni urib yuborgan haydovchi voyaga yetmagan, haydovchilik guvohnomasiga ega bo‘lmagan shaxs bo‘lib, Onix rusumli avtomobilni yuqori tezlikda boshqargan va quvib o‘tish harakatini amalga oshirgan. Hodisa natijasida xodim og‘ir tan jarohatlari olib, voqea joyida vafot etgan.
Mazkur holat yuzasidan Yangi Namangan tumani prokuraturasi tomonidan jinoyat ishi qo‘zg‘atilgan. Hozirda tergov ishlari olib borilmoqda.
