Jakarta dunyoning eng zich shahri deb topildi

Indoneziya poytaxti Jakarta dunyoning eng zich aholi yashaydigan shaharlari reytingida birinchi o‘ringa chiqdi va Tokioni ortda qoldirdi. Bu haqda Zamin.uz xabar berdi.

Birlashgan Millatlar Tashkiloti (BMT) ma’lumotlariga ko‘ra, Jakarta metropolisida 42 million kishi istiqomat qiladi. Reytingda ikkinchi o‘rinni 37 million aholiga ega bo‘lgan Bangladesh poytaxti Dakka egalladi.

Uchinchi o‘rinda esa 33 million aholisi bilan Tokio joylashgan. Eslatib o‘tish joizki, 2018 yilgi hisobotda Tokio birinchi o‘rinda bo‘lgan edi.

Statistik ma’lumotlarga ko‘ra, 1950 yilda dunyo aholisining taxminan 20 foizi shaharlarda yashagan bo‘lsa, hozir bu ko‘rsatkich 50 foizga yetgan. Prognozlarga ko‘ra, 2050 yilgacha dunyo aholisi o‘sishining uchdan ikki qismi shaharlarda sodir bo‘lishi kutilmoqda.

Aholisi eng ko‘p bo‘lgan 10 ta shahar orasida Jakarta, Dakka, Tokio, Yangi Dehli, Shanxay, Guanchjou, Qohira, Manila, Kalkutta va Seul bor. Ulardan to‘qqiztasi Osiyo qit’asida joylashgan.

BMT Bosh kotibining iqtisodiy va ijtimoiy masalalar bo‘yicha o‘rinbosari Li Junxiya shunday dedi: “Shaharlashuv zamonamizning muhim belgisidir. Agar bu jarayonni to‘g‘ri boshqarilsa, iqlim o‘zgarishi, iqtisodiy rivojlanish va ijtimoiy adolat kabi masalalarda yangi imkoniyatlar paydo bo‘lishi mumkin.”