Markaziy Osiyoda biologik xilma-xillik xavf ostida

Markaziy Osiyoda biologik xilma-xillik xavf ostida ekani Samarqandda o‘tkazilgan CITESning 20-konferensiyasida ekspertlar tomonidan muhokama qilindi. Bu haqda Zamin.uz xabar berdi.

Mutaxassislarning ta’kidlashicha, ekotizimlarning buzilishi mintaqa davlatlarining ijtimoiy va iqtisodiy barqarorligiga salbiy ta’sir ko‘rsatmoqda. Konferensiyada kamyob hayvon va o‘simlik turlarini kuzatish jarayonlarini raqamlashtirish masalasi muhim mavzulardan biri sifatida ko‘rib chiqildi.

Shuningdek, Afg‘oniston bilan chegaradosh hududlarda yuzaga kelayotgan ekologik xatarlar va iqtisodiyotning uglerod chiqindilarini kamaytirishga qaratilgan choralarning biologik xilma-xillikni saqlashdagi o‘rni haqida ham keng fikr almashildi. Tadbir ishtirokchilari ekologik xavfsizlikni ta’minlashda mintaqaviy hamkorlikning muhimligini qayd etishdi.

Ular bu boradagi sa’y-harakatlarni xalqaro miqyosda yanada kuchaytirish zarurligini ta’kidladilar. Mintaqada ekologik barqarorlikni ta’minlash uchun birgalikdagi sa’y-harakatlar muhim ahamiyat kasb etadi.