Kuyov va kelin nizosi sudgacha yetib bordi
Qozog‘istonda qaynopasiga ta’zim qilishdan bosh tortgan kelin bilan bog‘liq oilaviy nizo sudgacha yetib bordi. Bu haqda Zamin.uz xabar berdi.
Bu haqda mahalliy manbalar xabar berdi. Hodisa to‘y marosimi davomida sodir bo‘lgan.
Kuyov kelinchakdan urf-odatga muvofiq o‘z opasiga ta’zim qilishni so‘ragan. Ammo kelin bu talabni bajarishdan bosh tortgan.
Bu holat marosimdan keyin oilaviy munosabatlarni yanada murakkablashtirgan. Kuyov ayolini haqoratli so‘zlar bilan so‘kib, vaziyatni keskinlashtirgan.
Kelishmovchilik natijasida masala Jambil viloyati Juali tumani sudiga yetib borgan. Sud jarayonida ayol turmush o‘rtog‘i nafaqat uni haqorat qilganini, balki qaynonasiga qo‘pol tarzda “qizingizni olib ketinglar” deb aytganini ma’lum qilgan.
Sud majlisida erkak o‘z xatti-harakatlarini tan olib, xotinidan uzr so‘radi va nizoni mediatsiya orqali hal qilishni taklif etdi. Jabrlanuvchi ayol ham yarashishga rozi bo‘ldi.
Natijada tomonlar o‘zaro kelishuvga erishdi va sud ish yuritishni to‘xtatdi. Hozircha sud qarori qonuniy kuchga kirmagan.
