Sun’iy intellekt tavsiyasi sabab erkak zaharlandi
Yaponiyaning Nara prefekturasida yashovchi 70 yoshli erkak sun’iy intellekt maslahatiga amal qilib, zaharli qo‘ziqorin iste’mol qilgani sababli zaharlandi. Bu haqda Zamin.uz xabar berdi.
Bu haqda "Japan Today" xabar berdi. Oktyabr oyida erkak qo‘ziqorin terish bilan shug‘ullanayotgan edi.
Sayr davomida u ilgari ko‘rmagan va shubhali ko‘ringan qo‘ziqorinlarga duch keldi. Dastlab, u qo‘ziqorinlar haqida ma’lumot olish uchun mahalliy botanika bog‘i xodimlariga murojaat qilishni rejalashtirdi.
Ammo o‘sha vaqtda bog‘da xodimlar yo‘q edi. Shundan so‘ng erkak muammoni hal qilish uchun sun’iy intellekt yordamiga murojaat qildi.
U qo‘ziqorinlarning suratini olib, chat-botdan ularning iste’molga yaroqliligini so‘radi. Sun’iy intellekt suratdagi qo‘ziqorinlarni yeyish mumkin bo‘lgan veshenka yoki shiitake turiga o‘xshatdi.
Erkak tavsiyaga ishonib, qo‘ziqorinlarni pishirib iste’mol qildi. Biroq oradan ko‘p o‘tmay, erkakning sog‘lig‘i yomonlashdi va u darhol shifoxonaga murojaat qildi.
Tekshiruvlar natijasida ma’lum bo‘lishicha, u sukiyetake deb ataluvchi zaharli qo‘ziqorinlarni yegan. Ushbu tur ko‘pincha xavfsiz qo‘ziqorinlarga o‘xshab ketgani sababli adashish holatlari kuzatiladi.
Mazkur voqea sun’iy intellekt maslahatlariga mutlaqo ishonmaslik kerakligini yana bir bor eslatdi.
