Tojikiston va Afg‘oniston chegarasida yuz bergan qurolli hujum oqibatida uch nafar Xitoy fuqarosi halok bo‘ldi, yana biri yaralandi. Bu haqda Zamin.uz xabar berdi.
Bu haqda Xitoyning Tojikistondagi elchixonasi ma’lumotiga asoslanib, Reuters axborot agentligi xabar berdi. Fojia 26-noyabr kuni Afg‘onistonning janubi-g‘arbiy Xatlon viloyati yaqinida sodir bo‘lgan.
Tojikiston Tashqi ishlar vazirligining ma’lum qilishicha, halok bo‘lganlarning barchasi chegaradosh hududda faoliyat yurituvchi "Shahin SM" kompaniyasining xodimlari bo‘lgan. Hujum Afg‘oniston hududidan granatali dronlar yordamida amalga oshirilgani aytilmoqda.
Hujum ortida kim turgani hozircha noma’lum. Xitoy hukumati Dushanbeni voqeani tezkorlik bilan o‘rganishga chaqirdi va o‘z fuqarolarini darhol xavfsiz hududlarga ko‘chishni tavsiya qildi.
Afg‘oniston Tashqi ishlar vazirligi bu hodisani mintaqada beqarorlikni kuchaytirishga intilayotgan noma’lum guruhlarning ishi sifatida baholadi. Ular Tojikiston hukumati bilan to‘liq hamkorlikka tayyor ekanliklarini bildirishdi.
Mazkur hodisa Tojikiston-Afg‘oniston chegarasidagi xavfsizlik darajasi pasayib borayotganini va bu jarayonda xalqaro fuqarolar ham qurbon bo‘layotganini yana bir bor ko‘rsatmoqda.
