Egizaklar turli otalardan: noyob hodisa aniqlandi
Braziliyada yashovchi 19 yoshli qiz egizak farzand dunyoga keltirdi, biroq DNK tahlili kutilmagan natijalarni ochib berdi. Bu haqda Zamin.uz xabar berdi.
Ma’lum bo‘lishicha, egizaklarning har biri turli erkaklardan bo‘lgan. Ayol dastlab farzandlaridan biriga otalikni aniqlash maqsadida tanish yigitdan DNK tahlili topshirgan.
Natijada faqat bitta bola uning biologik farzandi sifatida tasdiqlangan. Shundan so‘ng, ayol boshqa yigitdan ham DNK tahlili olgan va ikkinchi bolaning boshqa erkakka tegishli ekani aniqlangan.
Bu noyob biologik hodisa ilmiy adabiyotlarda "geteropaternal superfekundatsiya" deb ataladi. Bunday holat shunday yuzaga keladiki, ayol ovulyatsiya davrida ikki erkak bilan aloqada bo‘ladi va turli sperma hujayralari ikki tuxum hujayrasini urug‘lantiradi.
Statistikaga ko‘ra, bunday holat millionta egizak tug‘ilishdan faqat bittasida kuzatiladi. Ayni paytda, ikki bola ham onaning qaramog‘ida tarbiyalanmoqda.
Ushbu voqea tibbiyot sohasida noyob biogenetik hodisa sifatida o‘rganilmoqda. Shuningdek, bu masala huquqiy jihatdan ham muhokamalarga sabab bo‘lmoqda.
Mutaxassislar ushbu holatning o‘ta kamyobligini ta’kidlamoqdalar.
