Ronaldu va Jorjinaning to‘yi 2026 yilda Portugaliyada bo‘ladi
Krishtianu Ronaldu va Jorjina Rodrigesning uzoq kutilgan to‘ylari Portugaliyada bo‘lib o‘tadi. Bu haqda Zamin.uz xabar berdi.
"Jornal da Madeira" nashrining xabar berishicha, mazkur marosim futbolchining tug‘ilgan shahri Funshalda, 2026 yilgi Jahon chempionatidan keyingi yozda o‘tkazilishi rejalashtirilgan. Ma’lumotlarga ko‘ra, nikoh marosimi Funshal shahridagi markaziy katolik cherkovida o‘tkazilib, tantanali tadbir shaharning hashamatli mehmonxonalaridan birida davom etadi.
Eslatib o‘tamiz, Ronaldu 2023 yilning avgust oyida uzoq yillar davomida birga bo‘lgan sevgilisi Jorjina Rodrigesga rasmiy ravishda turmush qurish taklifini bildirgan edi. Juftlikning tanishuvi 2016 yilda, Ronaldu "Real Madrid" klubida faoliyat olib borayotgan, Jorjina esa Madrid shahridagi Gussi do‘konida ishlayotgan paytda boshlangan.
Ular 2017 yil boshida ilk farzandlari Alana Martinaning dunyoga kelishini ommaga e’lon qilishgan edi. Bugungi kunda Krishtianu Ronaldu besh nafar farzandning otasi hisoblanadi.
Uning farzandlari: Krishtianu Junior (2010), egizaklar Eva va Mateo (2017), Alana Martina (2017) hamda Bella Esmeralda (2022). Shuningdek, Ronaldu va Jorjina yaqinda Saudiya Arabistoni valiahd shahzodasining AQSHga tashrifi munosabati bilan Oq uyda o‘tkazilgan rasmiy kechki qabulda ishtirok etishgan edi.
