Jeyms Kemeron sun’iy intellektni kinoda xavfli deb atadi
2025 yil 1-dekabr kuni CBS News xabariga ko‘ra, mashhur rejissyor Jeyms Kemeron kinoda generativ sun’iy intellektdan foydalanishni xavfli deb baholadi. Bu haqda Zamin.uz xabar berdi.
Uning fikricha, aktyor yoki uning ijrosini sun’iy intellekt yordamida matnli so‘rov orqali yaratish ijodiy jarayonga mutlaqo zid. "Agar men 87 yoshimda ham, burunimda kislorod naychasi bilan filmlar suratga olishni davom ettirsam va omadim kelib, hali o‘zim o‘rganmagan narsalarni sinab ko‘rsam, bundan xursand bo‘laman", dedi Kemeron.
Rejissyor o‘zining ijro uslubini sun’iy intellektdan ustun qo‘yayotganini ta’kidladi. Kemeron bu uslubni "aktyor va rejissyorning bayrami" deb ataydi.
Unga ko‘ra, masalan, "Avatar" filmlarida qo‘llanilgan raqamli grafika texnologiyalari faqat tirik aktyorlarning ijrosini aniqlik bilan aks ettirish uchun ishlatilgan. Rejissyorning navbatdagi filmi "Avatar: Olov va kul" kelasi oyda katta ekranlarga chiqadi.
Kemeron murakkab vizual effektlar ustida ishlash jarayonida har safar yangi narsalarni o‘rganishga intilishini va har bir premyera oldidan hayajonlanishini yashirmadi.
