Elizabet Xolmsning qamoq muddati yana qisqardi
Theranos startapining asoschisi Elizabet Xolmsning qamoq muddati bir yilga qisqardi. Bu haqda Zamin.uz xabar berdi.
Bu haqda Business Insider nashri xabar berdi. Endilikda u 2031 yilning dekabr oyining oxirida ozodlikka chiqishi mumkin.
Bu Xolmsning qamoq muddati qisqartirilishi bilan bog‘liq birinchi holat emas. 2023 yilda ham uning jazosi qisqartirilgan edi.
Elizabet Xolms investorlarni aldashda ayblanib, qamoq jazosiga hukm qilingan. U asos solgan Theranos startapi inson salomatligi uchun katta yutuq sifatida taqdim etilgan edi.
Kompaniya bor-yo‘g‘i bir tomchi qon yordamida yuzlab tahlillar o‘tkazish imkoniyatini va’da qilgan. Biroq keyinchalik ushbu texnologiya ishlamaydiganligi aniqlangan.
Shuningdek, qurilmaning AQSh armiyasi uchun tasdiqlangani haqidagi bayonotlar ham yolg‘on bo‘lib chiqqan. Shu sababli kompaniya katta mojarolarga duch kelgan va Xolms javobgarlikka tortilgan.
