A23a aysbergi bo‘laklarga ajralgani tasdiqlandi
Rossiyaning "Kondor-FKA" sun’iy yo‘ldoshi Atlantika okeanidagi eng yirik aysberg bo‘lgan A23a muz tog‘ining bo‘laklarga ajralganini tasdiqlovchi suratlarni yubordi. Bu haqda Zamin.uz xabar berdi.
Bu haqda Roskosmos rasmiy bayonot berdi. Roskosmos ma’lumotiga ko‘ra, A23a aysbergi dunyo bo‘yicha eng katta muz qatlamlaridan biri hisoblangan.
Uning hozirgi holati sun’iy yo‘ldosh orqali olingan suratlarda aniq ko‘rinadi. Ushbu muz tog‘i dastlab 1986-yilda Antarktidadan ajralib chiqqan bo‘lib, o‘sha paytda uning umumiy maydoni taxminan 4,2 ming kvadrat kilometrni tashkil etgan.
Taqqoslash uchun, bu hudud hajmi Sankt-Peterburg shahrining umumiy maydonidan deyarli ikki barobar katta bo‘lgan. Hozirgi vaqtda esa muz tog‘i bir necha bo‘lakka bo‘linib ketgan.
Ushbu hodisa muz qatlamlarining global iqlim o‘zgarishlariga qanday ta’sir qilishini o‘rganish uchun muhim ahamiyat kasb etadi.
