Oklendda 19,2 ming dollarlik buyum o‘g‘irlandi
28-noyabr kuni Yangi Zelandiyaning Oklend shahridagi zargarlik do‘konida qimmatbaho buyum o‘g‘irlanganligi haqida xabar berildi. Bu haqda Zamin.uz xabar berdi.
Partridge Jewellers nomli do‘konda 19,2 ming dollarlik Feberje tuxumi o‘g‘irlangani aniqlangan. Ushbu buyum 18 karatli oltindan yasalgan bo‘lib, 60 dona brilliant bilan bezatilgan va ichida miniatyura tarzidagi sakkizoyoq shakli mavjud.
Do‘kon xodimlari 32 yoshli erkakni ushbu qimmatbaho buyumni o‘g‘irlaganlikda gumon qilib, politsiyaga murojaat qilishgan. Politsiya voqea joyiga zudlik bilan yetib kelib, gumonlanuvchini ushlashga muvaffaq bo‘lgan.
Tekshiruv davomida ushbu shaxsning iPad o‘g‘irlaganligi haqida ham dalillar topilgan. Gumonlanuvchi hozirda hibsga olingan bo‘lib, unga nisbatan ayblov e’lon qilingan.
U 8-dekabr kuni sudga chiqarilishi kutilmoqda. Mazkur voqea yuzasidan tergov ishlari davom etmoqda.
