Oq uy yaqinidagi otishma: Afg‘oniston fuqarosi, Trampning qarori va javob choralari AQSH Milliy gvardiyasi harbiylariga hujum qilganlikda gumon qilingan Afg‘oniston fuqarosi Rahmonullo L. Bu haqda Zamin.uz xabar berdi.
sud oldida javob berdi. U qo‘lga olish chog‘ida yaralangan bo‘lib, sud eshituvida shifoxonadan turib onlayn qatnashdi.
Vashingtonda o‘tgan sud majlisida uning advokati mijozini himoya qilib, hujum va birinchi darajadagi qasddan odam o‘ldirish ayblovlarini rad etdi. U Rahmonullo L.ning avval sudlanmaganini ta’kidladi va uni hibsdan ozod qilishni so‘radi.
Hodisa 26-noyabr kuni Oq uy yaqinidagi Farragut maydonida sodir bo‘ldi. Rahmonullo L.
xizmat olib borayotgan harbiylarga qarata o‘q uzgan. Natijada 20 yoshli harbiy xizmatchi Sara Bekstram og‘ir jarohat olib, shifoxonada vafot etdi.
Yana bir harbiy, 24 yoshli Endryu Vulf esa og‘ir ahvolda qolmoqda va shifokorlar uning hayoti uchun kurashmoqda. Ma’lum bo‘lishicha, Rahmonullo L.
2021-yilda Afg‘onistondan AQSHga ko‘chib kelgan. U o‘z vatanida Amerika maxsus xizmatlari bilan hamkorlik qilgan va shuning uchun «Tolibon» hokimiyatga kelgach, AQSHga ko‘chib o‘tish huquqini qo‘lga kiritgan.
U 2024-yilda AQSHda boshpana so‘rab ariza topshirgan va 2025-yil boshida uni olgan. Hodisa ortidan AQSH prezidenti Donald Tramp bu hujumni keskin qoraladi.
U Jo Bayden davrida Afg‘onistondan kelgan barcha fuqarolarni qayta tekshirishni buyurdi. Shuningdek, u noqonuniy yoki xavfli deb topilgan xorijiy fuqarolarni deportatsiya qilish uchun barcha choralar ko‘rilishini ta’kidladi.
Otishma sababli AQSH Fuqarolik va immigratsiya xizmati boshpana berish bo‘yicha barcha arizalarni vaqtincha to‘xtatdi. USCIS rahbari Jozef Edlou bu cheklovlar xorijiy shaxslarni yanada chuqurroq tekshirish imkoniyati ta’minlanguniga qadar davom etishini ma’lum qildi.
Shuningdek, AQSH Davlat departamenti Afg‘oniston fuqarolariga viza berishni vaqtincha to‘xtatdi.
