Putin bolalarning yangi yil orzularini ro‘yobga chiqaradi
Rossiya prezidenti Vladimir Putin yangi yil oldidan an’anaviy “Orzular archasi” xayriya tadbirida ishtirok etib, bir nechta bolalarning orzularini amalga oshirishini ma’lum qildi. Bu haqda Zamin.uz xabar berdi.
Ushbu tadbir davomida u bolalar tomonidan yozilgan uchta xatni ko‘rib chiqdi. 5 yoshli Timur YPX inspektori sifatida o‘zini sinab ko‘rishni orzu qilganini yozgan.
9 yoshli Varvara esa Roskosmos vakillaridan bir kosmonavt bilan shaxsan uchrashishni istagan. Yana bir bola, 5 yoshli Igor, Kaliningrad shahridagi “Jahon okeani” muzeyiga tashrif buyurishni orzu qilganini bildirdi.
Prezident Vladimir Putin ushbu bolalarning orzularini amalga oshirish uchun zarur choralar ko‘rilishini ta’kidladi. Tadbir davomida bolalarning istaklarini e’tiborsiz qoldirmaslik va ularning quvonchini ta’minlash xayriya dasturining asosiy maqsadlaridan biri ekanini qayd etdi.
