Tailand hukumati kunduzi spirtli ichimliklar savdosiga qo‘yilgan taqiqni bekor qildi. Bu haqda Zamin.uz xabar berdi.
Endilikda spirtli ichimliklarni soat 14:00 dan 17:00 gacha sotish mumkin. Bu haqda Thai PBS axborot agentligi xabar berdi.
Mazkur qaror 3-dekabrdan boshlab kuchga kirdi va 180 kun davomida amal qiladi. Belgilangan muddat tugagach, hukumat ushbu qarorning natijalarini ko‘rib chiqadi va tegishli xulosalar chiqaradi.
Shu bilan birga, avvalgi savdo soatlari, ya’ni 11:00 dan 14:00 gacha va 17:00 dan 00:00 gacha bo‘lgan vaqtlar o‘zgarishsiz qoladi. 2025-yilning dastlabki o‘n oyida Tailandga O‘zbekistondan 230 mingdan ortiq fuqaro tashrif buyurgan.
Turizm maqsadida xorijga chiqqan o‘zbekistonliklar soni o‘tgan yilga nisbatan 24,7 foizga oshgan. Bu ko‘rsatkich O‘zbekiston fuqarolarining xalqaro sayohatlarga bo‘lgan qiziqishi ortayotganidan dalolat beradi.
