Mast yenot do‘konda tartibsizlik qilib, uxlab qoldi

AQShning Virjiniya shtatida g‘aroyib va kulgili voqea yuz berdi. Bu haqda Zamin.uz xabar berdi.

Ashland shahridagi spirtli ichimliklar do‘konida Black Friday kuni ertalab bir yenot do‘konga kirib, tartibsizlik keltirib chiqardi. U bir nechta shishalarni sindirib, spirtli ichimliklarni to‘kib yubordi.

Keyin esa hojatxonada mast holda uxlab qolgan holda topildi. Do‘kon xodimlari voqea joyida singan shishalar va to‘kilgan ichimliklarni ko‘rishdi.

Hodisadan so‘ng, hayvonlarni nazorat qilish xizmati yenotni ushlab, Gannover okrugidagi boshpanaga olib bordi. Mutaxassislarning fikriga ko‘ra, yenot tom orqali do‘konga tushib ketgan bo‘lishi mumkin.

Bir necha soatlik uyqudan keyin yenotning ahvoli tekshirilib, hech qanday jarohatlar aniqlanmadi. Shundan so‘ng, uni tabiatga qo‘yib yuborishdi.

Mutasaddilar ushbu holat yenot uchun saboq bo‘lishiga umid qilishmoqda.