Krakov dunyoning eng toza shahri deb topildi
Radical Storage kompaniyasi sayyohlar fikri va reytinglariga asoslanib, dunyodagi eng toza shaharlar ro‘yxatini taqdim etdi. Bu haqda Zamin.uz xabar berdi.
Tadqiqot natijalariga ko‘ra, Polshaning ikkinchi yirik shahri Krakov dunyoning eng toza va shinam shahri sifatida birinchi o‘rinni egalladi. Sayyohlarning 98,5 foizi Krakovni nihoyatda pokiza, qulay va yoqimli shahar deb baholagan.
Shuningdek, Polshaning yana bir shahri – Varshava ham yuqori o‘rinlardan birini egallab, kuchli beshlikka kirdi (97,8%). Radical Storage tomonidan e’lon qilingan dunyoning eng toza shaharlar ro‘yxati quyidagicha: 1.
Krakov, Polsha – 98,5% 2. Sharja, BAA – 98,0% 3.
Singapur – 97,9% 4. Varshava, Polsha – 97,8% 5.
Doha, Qatar – 97,4% 6. Ar-Riyod, Saudiya Arabistoni – 96,9% 7.
Praga, Chexiya – 96,4% 8. Maskat, Ummon – 96,4% 9.
Dubay, BAA – 96,3% 10. Fukuoka, Yaponiya – 96,3% Bundan avval kompaniya dunyodagi eng iflos sayyohlik shaharlari ro‘yxatini ham e’lon qilgan edi.
Ushbu ro‘yxatda Budapesht, Rim va Las-Vegas eng iflos shaharlar sifatida ko‘rsatilgan. Tadqiqotlar sayyohlar uchun toza va qulay muhit qanchalik muhim ekanini yana bir bor isbotladi.
