Papa John’s pitseriya tarmog‘i Qozog‘iston va Qirg‘izistonda o‘z faoliyatini to‘xtatdi. Bu haqda Zamin.uz xabar berdi.
Bu haqda Daniyar Monolbayevga asoslanib Kursiv Kazakhstan nashri xabar berdi. Daniyar Monolbayev ushbu hududlarda franchayzing huquqiga ega bo‘lgan tadbirkor hisoblanadi.
Tadbirkorning ma’lum qilishicha, mavjud moliyaviy mablag‘lar asosan muhim to‘lovlarni qoplash uchun yo‘naltirilgan. Ular ish haqlari, soliqlar, ijara to‘lovlari va qarzlarning qisman to‘lanishini o‘z ichiga oladi.
Shuningdek, Qozog‘istonda xodimlarning ko‘plab qismiga boshqa kompaniyalarda ish topishda yordam ko‘rsatilgani ta’kidlandi. Avvalroq ma’lum qilinganidek, Almatidagi Papa John’s tarmog‘iga tegishli olti filial yopilgan bo‘lib, ularning o‘rnida Bellissimo Pizza faoliyat yuritishni boshlaydi.
Papa John’s pitseriya tarmog‘i 1984 yilda amerikalik tadbirkor Jon Shnatter tomonidan asos solingan. Bugungi kunda ushbu tarmoq dunyo bo‘ylab 5 mingdan ortiq filialga ega.
U AQSh, Kanada, Meksika, Yevropa davlatlari, Yaqin Sharq, Osiyo, Lotin Amerikasi va Afrika mamlakatlarida o‘z xizmatlarini taklif etadi.
