Yovvoyi maymun hujumi erkakning o‘limiga sabab bo‘ldi
Tailandda 63 yoshli erkak Chayphum Se-In yovvoyi maymun hujumi oqibatida halok bo‘ldi. Bu haqda Zamin.uz xabar berdi.
Ma’lum bo‘lishicha, maymun uning uyiga bostirib kirib, chap oyog‘idan tishlagan. Erkak jarohatlari va qon yo‘qotishi sababli vafot etgan.
Politsiya bergan ma’lumotga ko‘ra, mazkur maymun avval ham qishloq aholisiga hujum qilib kelgan. Guvohlarning so‘zlariga ko‘ra, maymun 10 kun avval ham boshqa bir erkakni tishlagan.
Ushbu hodisa qishloq aholisi o‘rtasida qo‘rquv uyg‘otgan. Marhumning jasadini uning jiyani topgan va hodisaning jiddiyligini tasdiqlagan.
Voqea joyida maymun yana paydo bo‘lgan va politsiya xodimlarini kuzatgan. Mahalliy hokimiyat tomonidan mazkur maymunni aniqlash va xavfsizlikni ta’minlash maqsadida uni yo‘q qilish haqida qaror qabul qilingan.
