Ozarbayjonning Boku shahridagi 14-sonli maktabda sakkiz nafar o‘quvchi saqich iste’mol qilganidan so‘ng zaharlanib, tibbiy yordamga muhtoj bo‘ldi. Bu haqda Zamin.uz xabar berdi.
Bu haqda mahalliy manbalar xabar bermoqda. Ma’lum bo‘lishicha, o‘quvchilar dars paytida o‘zlarini noqulay his qilganliklarini aytib, bu haqda maktab ma’muriyatiga murojaat qilishgan.
Ma’muriyat darhol tez yordam chaqirgan va zaharlangan bolalar kasalxonaga olib borilgan. Ushbu holat haqida tegishli idoralarga va bolalarning ota-onalariga xabar berilgan.
Dastlabki ma’lumotlarga ko‘ra, maktab o‘quvchilaridan biri darsga kelayotganida yaqindagi do‘kondan saqich sotib olib, uni sinfdoshlariga ulashgan. Saqich iste’molidan so‘ng bolalarning sog‘lig‘i yomonlashgan.
Hozirda bu voqea yuzasidan tergov ishlari olib borilmoqda. Shu kabi holat 2023-yil sentyabr oyida Indoneziyada ham kuzatilgan edi.
G‘arbiy Yava provinsiyasining Sipongkor tumanida maktab o‘quvchilari mamlakat prezidenti tomonidan taqdim etilgan bepul tushlikdan zaharlanib, shifoxonaga yotqizilgan. Uch kun ichida 1 258 nafar bolada zaharlanish alomatlari qayd etilgan.
Mutaxassislarning xabar berishicha, zaharlanishning asosiy sababi noto‘g‘ri tayyorlangan ovqatlar bo‘lgan. Xususan, soya sousli tovuq go‘shti, qovurilgan tofu va ba’zi mevalar bolalarda qorin og‘rig‘i, bosh aylanishi, ko‘ngil aynishi va nafas qisilishi kabi alomatlarni keltirib chiqargan.
Holatlar yuzasidan tegishli chora-tadbirlar ko‘rilmoqda.
