Isroil G‘azoda yuqori lavozimli Hamas qo‘mondonini yo‘q qildi
Isroil armiyasi G‘azo sektorida yuqori lavozimli Hamas qo‘mondoni Rad Saidni yo‘q qilganini ma’lum qildi. Bu haqda Zamin.uz xabar berdi.
Isroil ommaviy axborot vositalarining xabarlariga ko‘ra, Said 2023-yil 7-oktabrda Isroilga qarshi uyushtirilgan hujumlarni rejalashtirgan shaxs sifatida tanilgan. G‘azodagi sog‘liqni saqlash tashkilotlari bergan ma’lumotlarga ko‘ra, ushbu hujum natijasida to‘rt kishi halok bo‘lgan, kamida 25 kishi jarohat olgan.
Hamas tomonidan esa Rad Saidning halok bo‘lgani haqida rasmiy tasdiq berilmagan. Isroil armiyasi hujum davomida yuqori lavozimli qo‘mondon nishonga olinganini bildirgan, ammo uning ismi oshkor qilinmagan.
Agar Rad Said chindan ham yo‘q qilingan bo‘lsa, bu oktyabr oyida erishilgan sulhdan buyon eng yuqori lavozimli Hamas rahbarining o‘ldirilishi bo‘ladi. Ma’lum qilinishicha, Rad Said ilgari G‘azodagi Hamas batalyoniga rahbarlik qilgan, guruhning qurol-yarog‘ ishlab chiqarish bo‘linmasiga boshchilik qilgan va qurolli qanotning ikkinchi darajadagi qo‘mondonlaridan biri sifatida faoliyat yuritgan.
