Zelenskiy NATO rejasidan voz kechdi, xavfsizlik kafolatlari izlamoqda

Ukraina Prezidenti Volodimir Zelenskiy Rossiya bilan urushni yakunlash maqsadida NATOga qo‘shilish rejasidan voz kechganini e’lon qildi. Bu haqda Zamin.uz xabar berdi.

U NATO o‘rniga G‘arb davlatlaridan xavfsizlik kafolatlari olishni maqsad qilmoqda. Zelenskiy Germaniyada AQShning maxsus elchisi Stiv Vitkoff va Jared Kushner bilan uchrashuv o‘tkazdi.

Ushbu muzokaralar Germaniya Kanzleri Fridrix Merts tashabbusi bilan tashkil etilgan bo‘lib, ularga boshqa Yevropa davlatlari rahbarlari ham qo‘shilishi kutilmoqda. Prezidentning ta’kidlashicha, AQSh, Yevropa va boshqa xalqaro hamkorlar tomonidan taqdim etiladigan xavfsizlik kafolatlari Ukrainani kelajakda Rossiyaning ehtimoliy hujumlaridan himoya qila oladi.

Bunday kafolatlar qonuniy asosda mustahkamlanishi lozim. Shu bilan birga, Ukraina va Rossiya o‘rtasida bevosita muzokaralar hali o‘tkazilmagan.

Ayni paytda, Rossiya tomonidan amalga oshirilayotgan energiya va suv inshootlariga hujumlar natijasida yuz minglab odam elektr ta’minotisiz qolmoqda. Urush davom etayotgani bois mamlakatda gumanitar vaziyat yomonlashmoqda.