Dekabr oyida KazTransOil kompaniyasi O‘zbekistonga neft tranzitini qayta tikladi va Qirg‘izistonga yetkazilayotgan neft hajmini oshirdi. Bu haqda Zamin.uz xabar berdi.
O‘zbekiston uchun yetkazib beriladigan neft miqdori 35 ming tonnagacha yetishi kutilmoqda. Qirg‘izistonga neft yetkazish esa joriy yilning noyabr oyida qayta tiklangan edi.
Ushbu yo‘nalish bo‘yicha oxirgi marta neft yetkazib berish 2017 yilda amalga oshirilgan. Kompaniya 2025 yil oxirigacha Qirg‘izistonga 30 ming tonnagacha neft yetkazib berishni rejalashtirgan.
Ikkala yo‘nalish bo‘yicha umumiy yetkazib berish hajmi 65 ming tonnani tashkil etadi. Shundan 55 ming tonnasi dekabr oyida tashiladi.
Neft KazTransOil magistral quvurlari orqali Shag‘ir neftni qayta yuklash punktigacha olib boriladi. U yerdan esa temir yo‘l sisternalariga yuklanadi.
Milliy statistika qo‘mitasi maʼlumotlariga ko‘ra, 2025 yilning dastlabki o‘n oyida mamlakatga neft va neft mahsulotlari importi 1,7 foizga kamayib, 1,63 milliard dollarni tashkil etdi.
