77 yoshli rossiyalik Olga xalqaro NNYS mukofotining "Yilning eng yaxshi o‘yin momenti" nominatsiyasida g‘olib deb topildi. Bu haqda Zamin.uz xabar berdi.
Ushbu yangilikni Shot Telegram kanali ma’lum qildi. Olga nafaqaxo‘r bo‘lishiga qaramay, Counter-Strike 2 o‘yinidagi jonli efirlari va mohir o‘yini bilan tomoshabinlar e’tiborini qozondi.
Ayniqsa, uning bir raund davomida raqib jamoani yolg‘iz o‘zi mag‘lub etgani aks etgan video ijtimoiy tarmoqlarda katta tarqaldi va butun dunyo bo‘ylab geymerlar orasida qiziqish uyg‘otdi. Ushbu muvaffaqiyat nafaqat uning o‘yinlardagi tajribasini, balki yoshdan qat’i nazar, har bir inson o‘z qobiliyatini namoyish eta olishini isbotladi.
Olga o‘z mahorati bilan nufuzli mukofotga sazovor bo‘lib, ko‘pchilikka ilhom manbai bo‘ldi.
