Putin: Rossiya urushni boshlamagan va javobgar emas
Rossiya Prezidenti Vladimir Putin 19-dekabr kuni o‘tkazilgan ochiq muloqotda Ukrainadagi harbiy harakatlar va xalqaro munosabatlar bo‘yicha o‘z fikrlarini bayon qildi. Bu haqda Zamin.uz xabar berdi.
U Ukrainadagi saylovlar xavfsizligini ta’minlashga tayyorligini va mamlakat ichkarisiga zarba bermaslik masalasini ko‘rib chiqayotganini ma’lum qildi. Prezidentning so‘zlariga ko‘ra, Rossiya urushni boshlamagan va odamlar o‘limi uchun javobgar emas.
Shuningdek, Rossiya hududida yashayotgan ukrainaliklarga saylovlarda ishtirok etish imkoniyati berilishi kerakligini ta’kidladi. Putin Rossiya fuqarolari urush davrida 83 milliard rubl miqdorida xayriya mablag‘lari to‘plaganini ham aytib o‘tdi.
NATO va Yevropa davlatlariga oid savollarga esa “quruq so‘zlar” deya izoh berdi. Shuningdek, Putin AQSHning yangi Milliy xavfsizlik strategiyasida Rossiya dushman sifatida tilga olinmaganini eslatib o‘tdi.
Rossiya va Yevropa davlatlari o‘rtasida aktivlar musodara qilinishi masalasida esa Rossiya o‘zini sudlarda himoya qilish huquqiga ega ekanini bildirdi. U Buyuk Britaniya, Yevropa va AQSH bilan hamkorlik qilishga tayyorligini, ammo bu aloqalar teng huquq va o‘zaro hurmat asosida olib borilishi kerakligini ta’kidladi.
