AQSh Suriyada "Islomiy davlat"ga qarshi zarba berdi
AQSh harbiylari Suriyada "Islomiy davlat" jangarilariga qarshi zarba berdi. Bu haqda Zamin.uz xabar berdi.
Ushbu amaliyot davomida samolyotlar, vertolyotlar va artilleriya yordamida markaziy Suriya hududidagi 70 dan ortiq nishon yo‘q qilindi. Mazkur harbiy zarbalar 13-dekabr kuni Palmira shahrida AQSh askarlariga uyushtirilgan hujumga javoban amalga oshirildi.
O‘sha voqea natijasida ikki nafar AQSh harbiy xizmatchisi va bir nafar fuqarolik tarjimoni halok bo‘lgan edi. AQSh prezidenti Donald Tramp "Islomiy davlat"ga qarshi qat’iy choralar ko‘rilayotganini ma’lum qildi.
Mudofaa vazirligi esa bu amaliyot urush boshlanishi emas, balki AQSh fuqarolariga qilingan hujumga javob ekanligini ta’kidladi. Manbalarga ko‘ra, zarbalar Raqqa va Dayr-az-Zor hududlariga qaratilgan.
Natijada bir nechta jangarilar va ularning ayrim yetakchilari yo‘q qilingan. Ma’lumotlarga ko‘ra, AQSh 2015-yildan buyon Suriyada "Islomiy davlat"ga qarshi kurash olib bormoqda.
