Bondi plyajida yuz bergan hujumda boshiga o‘q tegib og‘ir jarohat olgan yosh politsiyachi Jek Hibbert kasalxonadan uyga chiqarildi. Bu haqda Zamin.uz xabar berdi.
U voqea davomida yelkasidan ham jarohat olgan va bir ko‘zining ko‘rish qobiliyatini yo‘qotgan. Hozirda Jek oilasi nazorati ostida uyda davolanishni davom ettirmoqda.
Hodisa Hanukkah bayrami davomida sodir bo‘lgan. Ikki qurollangan shaxs tomonidan uyushtirilgan hujum natijasida 40 dan ortiq odam jarohatlangan va 15 kishi halok bo‘lgan.
Politsiyachi Jek, jarohatiga qaramay, imkon qadar ko‘proq odamlarga yordam berishga harakat qilgan. Jekning oilasi uning uyga qaytishini mo‘jiza sifatida baholamoqda.
Ular jamoatchilikning qo‘llab-quvvatlashi va tibbiy xodimlarning fidokorona xizmatini yuqori baholashdi. Shuningdek, politsiyachiga tinchlik va ruhiy yordam zarurligini ta’kidladilar.
Politsiya ushbu hujumni terror harakati sifatida ko‘rib chiqmoqda. Ma’lum qilinishicha, gumonlanuvchilar Islomiy davlat g‘oyalaridan ilhomlangan holda bayramni nishonga olishgan.
Hujumchilar orasidan bir kishi qo‘lga olingan, uning otasi esa voqea joyida politsiya tomonidan zararsizlantirilgan.
