Donald Tramp Toqayevga ramziy kalit va qalpoq sovg‘a qildi
AQSH Prezidenti Donald Tramp Qozog‘iston Prezidenti Qosim-Jo‘mart Toqayevga Oq uyning ramziy kaliti va o‘z imzosi tushirilgan beysbol qalpog‘ini sovg‘a qildi. Bu haqda Zamin.uz xabar berdi.
Bu haqda Qozog‘iston Prezidentining matbuot xizmati rasmiy ma’lumot berdi. Ma’lum qilinishicha, ushbu esdalik sovg‘alar AQSH Prezidenti nomidan Qozog‘istonning Vashingtondagi elchisi tomonidan ishonch yorliqlarini topshirish marosimidan keyin taqdim etilgan.
Ushbu sovg‘alar ikki davlat o‘rtasidagi do‘stona diplomatik munosabatlar va o‘zaro hurmat ramzi sifatida baholanmoqda. Donald Tramp Oq uyda o‘tgan uchrashuvda Qosim-Jo‘mart Toqayev haqida iliq fikrlar bildirgan.
U Toqayevni "ajoyib inson" deb ta’riflab, uning xalqaro siyosiy masalalarga vazmin va oqilona yondashuvini alohida e’tirof etgan. Trampning so‘zlariga ko‘ra, Toqayev global masalalarda muvozanatni saqlash qobiliyatiga ega tajribali davlat arbobi bo‘lib, bu AQSH va Qozog‘iston o‘rtasidagi munosabatlarni yanada mustahkamlashga xizmat qiladi.
Shuningdek, avvalroq ayrim ommaviy axborot vositalarida Saudiya Arabistonidan kelgan investorlar konsorsiumi va Donald Trampning kuyovi ishtirokida EA kompaniyasini sotib olish rejalari muhokama qilinayotgani haqida xabarlar tarqalgan edi. Bu kabi yangiliklar AQSH siyosiy va iqtisodiy jarayonlariga qiziqishni yanada oshirmoqda.
