Trampga nisbatan og‘ir ayblovlar oshkor qilindi
Jeffri Epshteyn ishi doirasida ochilgan yangi hujjatlar orasida AQShning sobiq prezidenti Donald Trampga nisbatan og‘ir ayblovlar mavjud ekani ma’lum bo‘ldi. Bu haqda Zamin.uz xabar berdi.
Bu haqda The Insider nashri xabar berdi. Nashrning yozishicha, hujjatlar orasida 2020 yilda Federal qidiruv byurosiga (FQB) qilingan qo‘ng‘iroqning stenogrammasi mavjud.
Unda ismi oshkor qilinmagan shaxs o‘tmishda sodir bo‘lgan zo‘rlash holati haqida ma’lumot bergan va bu ayblovni Donald Trampga qaratgan. Manbalarga ko‘ra, ushbu guvoh sifatida tilga olingan ayol 2000-yil yanvar oyida vafot etgan.
Uning jasadi tekshirilganda bosh qismida jiddiy jarohatlar aniqlangan. Politsiya xodimlari bu holatni dastlab o‘z joniga qasd qilish ehtimoli sifatida ko‘rib chiqqan.
Biroq, sud-tibbiy ekspertiza xulosasida ayolning o‘limi o‘z joniga qasd qilish natijasi ekani qayd etilgan. Mazkur ma’lumotlar Epshteyn ishi doirasida oshkor etilgan hujjatlar bilan birgalikda jamoatchilikda katta qiziqish uyg‘otdi.
Ushbu ish doirasida ilgari ham bir qator mashhur shaxslar bilan bog‘liq ayblovlar yuzaga kelgan edi. Hujjatlarning ochiqlanishi esa mazkur voqealarga oid savollarni yanada kuchaytirdi.
