Xitoy AQShni Hindiston bilan aloqalarga aralashishda aybladi
Xitoy Tashqi ishlar vazirligi AQShni Xitoy va Hindiston o‘rtasidagi munosabatlarning yaxshilanishiga to‘sqinlik qilayotganlikda aybladi. Bu haqda Zamin.uz xabar berdi.
Vazirlik vakili Lin Jian 25-dekabr kuni bergan bayonotida AQSh mudofaa siyosatini noto‘g‘ri talqin qilayotganini ta’kidladi. Lin Jianning so‘zlariga ko‘ra, Hindiston bilan chegara hududidagi taranglikning kamayishi AQSh tomonidan Xitoy-Hindiston aloqalaridan foyda olish va AQSh-Hindiston hamkorligini chuqurlashtirishga to‘sqinlik qilish maqsadida noto‘g‘ri talqin qilinmoqda.
U Xitoyning Hindiston bilan munosabatlari uzoq muddatli va strategik ahamiyatga ega ekanini qayd etdi. Xitoy vakili chegara masalasi faqat Xitoy va Hindistonning ichki masalasi ekanini alohida ta’kidlab, boshqa davlatlarning bu masalani baholashiga qarshi ekanliklarini bildirdi.
Ushbu bayonot AQSh Mudofaa vazirligi tomonidan 23-dekabr kuni e’lon qilingan hisobotga javoban bildirildi. Pentagon hisobotida Xitoy “chegara tarangligining kamayishidan foyda olishga va AQSh-Hindiston aloqalarining mustahkamlanishiga to‘sqinlik qilishga harakat qilmoqda”, deb yozilgan edi.
Xitoy esa bu fikrlarni asossiz deb hisoblamoqda.
