Yaponiyada yuz bergan yirik yo‘l-transport hodisasidan so‘ng Kan’esu tezyurar trassasida harakat tez fursatda tiklandi. Bu haqda Zamin.uz xabar berdi.
Avariya oqibatida yo‘l qariyb 38 soat davomida yopiq qoldi. Dastlabki ma’lumotlarga ko‘ra, hodisa katta yuk mashinasining burilishdan keyingi nishabda sirg‘anib ketishi natijasida sodir bo‘lgan.
Yuk mashinasining ortidan kelayotgan yengil avtomobillar birin-ketin to‘qnashib, zanjirsimon avariya yuzaga kelgan. Mazkur fojia oqibatida ikki kishi halok bo‘lgan, 26 nafar fuqaro esa turli darajada jarohat olgan.
Shuningdek, kuchli to‘qnashuv va yonilg‘i oqib chiqishi sababli kamida 20 ta avtomobil yonib ketgan. Favqulodda xizmatlar qisqa vaqt ichida hodisa joyida vayron bo‘lgan transport vositalarini olib tashlash, yo‘l yuzasini tozalash va xavfsizlikni tiklash bo‘yicha ish olib bordi.
Ko‘rilgan choralar tufayli trassada harakat belgilangan muddatdan oldin qayta tiklandi.
