Yanvarda Rossiyadan O‘zbekistonga aviachiptalar arzonlashadi

Yanvar oyida Rossiyadan O‘zbekistonga aviachiptalar narxi sezilarli darajada arzonlashadi. Bu haqda Zamin.uz xabar berdi.

Aviasales ma’lumotlariga ko‘ra, Toshkentga aviaqatnovlar uchun chiptalar o‘rtacha 39 foizga arzonlashishi kutilmoqda. Bu haqda kursiv.uz xabar berdi.

Shuningdek, yanvar oyida Rossiyadan boshqa xorijiy davlatlarga ham parvozlar narxi o‘rtacha 29 foizga pasayishi prognoz qilinmoqda. Eng katta arzonlashish Dubay va Yerevan yo‘nalishlarida kuzatiladi — bu yo‘nalishlarda chiptalar narxi 51 foizga kamayadi.

Tbilisi va Istanbulga uchish chiptalari esa mos ravishda 42 foiz va 40 foizga arzonlashishi kutilmoqda. Rossiya ichidagi aviaqatnovlarda ham narxlarning tushishi qayd etilmoqda.

Ichki reyslar uchun chiptalar narxi o‘rtacha 23 foizga arzonlashadi. Ayniqsa, Mineralniye Vodiga yo‘nalishda chiptalar narxi 47 foizga kamaygani ma’lum qilingan.

Mazkur o‘zgarishlar sayohatchilar uchun yanvar oyida qulay imkoniyatlar yaratishi mumkin.